1.024 partaidek hartu dute parte asteburu honetan Gernika-Lumon ospatu den XV. Oiz Erronka – Jabi Amorrortu martxan. Emakumeen presentzia ere inoizko handiena izan da: 170 parte-hartzaile.

Busturialdea zikloturismoaren epizentro bihurtu da berriz ere asteburu honetan, ekainaren 14an ospatutako XV. Oiz Erronka – Jabi Amorrortu Martxarekin. Aurtengo edizioak marka guztiak hautsi ditu: 1.024 lagunek hartu dute parte, eta izen-emate kopurua lehen aldiz 1.000 lagunetik gora joan da. Horrez gain, emakumeen parte-hartzea ere sekulakoa izan da, 170 izen-emateekin —inoizko kopururik altuena.

Aixerrotape Zikloturista Elkarteko antolatzaileek nabarmendu dute jaso duten erantzuna “paregabea” izan dela:
“Urtez urte hazten ari gara, eta aurtengo parte-hartzea erabatekoa izan da. Oiz Erronka benetako erreferente bilakatzen ari da.”

🚴 HIRU IBILBIDE, ZAILTASUN MAILA DESBERDINEKIN

Parte-hartzaileek aukera izan dute hiru ibilbide ezberdinen artean hautatzeko:

  • Urdaibaiz Gozatuz: 72 km eta 1.260 m desnibela, errazagoa eta gozagarriagoa.
  • Bizkaiko Kostaldea: 128 km eta 2.190 m desnibel, ibilbide ertaina.
  • Oiz Erronka: 164 km eta 3.120 m desnibel, Oiz mendira igotzeko aukera barne.

Ibilbide ertain eta luzeetan tarte kronometratuak egon dira, eta parte-hartzaile askok Bizkaiko Begiratokira edo Oizera igo dira errendimendua neurtzeko.

Euria ere protagonista izan da une batzuetan, baina ez du oztopatu parte-hartzaileen grina eta giro bikaina.

🌍 ANIZTASUNA ETA NAZIOARTEKO PARTE-HARTZEA

Edizio honek erakutsi du Oiz Erronkaren proiekzioa gero eta handiagoa dela. Parte-hartzaileak honako lekuetatik etorri dira:

  • %59 Bizkaitarrak
  • Euskal Herriko lurralde guztietatik
  • Estatuko hainbat tokitatik eta:
    • Herbehereak
    • Frantzia
    • Andorra
    • Ekuador
    • Colonbia
    • Rusia

👩‍🦰 EMAKUMEEN PARTE-HARTZE HISTORIKOA

Aurten, 170 emakumek parte hartu dute, Oiz Erronkaren historian izan den kopururik handiena. Antolatzaileek azpimarratu dute hau ez dela kasualitatea: “Urteetan lan handia egin dugu emakumeen parte-hartzea bultzatzeko, eta lorpen honek bidea markatzen jarraitzen du.”

🎉 ASTEBURU OSOKO EKINTZAK

Martxa ostiral arratsaldean hasi zen (ekainaren 13an) Domingo Bernaola plazan antolatutako Oiz Erronka Hiria gunearekin. Bertan:

  • Dortsalen banaketa
  • Azokagunea: gastronomia, txirrindularitzako produktuak eta eskualdeko ekoizleen eskaintza
  • “Bizikleta solidarioa”: erabilitako bizikletak jaso dira berrerabiltzeko
  • Zulaketa txapelketa: parte-hartzaileek euren gaitasuna erakutsi dute, sariak lortzeko aukera izan dute

🏅 OMENALDIA ETA BOLUNTARIOEN LANA

Larunbat goizean, irteera aurretik, Pedro Horrillo txirrindulariari omenaldi hunkigarria egin zaio. Helmugan, parte-hartzaileek jantoki zerbitzu osoa izan dute indarrak berreskuratzeko.

Antolakuntzak bereziki eskertu du 100 boluntariotik gora aritu direla lanean:
“Gaur egun martxa asko bertan behera uzten ari diren bitartean, gurea indartsu mantentzea boluntario eta babesleen lanari esker da.”